27
шілде
2023
Жазда балалардың жарақаттануы (ата-аналарға кеңес беру)
Жазда балалардың жарақаттануы (ата-аналарға кеңес беру)
Жаз – ересектер мен балалар үшін көптен күткен демалыс уақыты. Алайда, шуақты күн, жылы күндер, жүзу секілді барлық басымдықтарына қарамастан жаз кезінде көптеген қауіп те бар. Ең алдымен, бұл жаз кезінде көбейе түсетін жарақаттанулар.Жаз кезінде балаларға қандай қауіп төнеді?
Балалар алатын жарақаттанулар сипаты олардың жасына қарай ерекшеленеді. Мектепке дейінгі жастағы балалар аталмыш тұрмыстық жарақатқа – яғни үйде, серуендеуде, саяжайда, саяхаттауда алатын жарақаттануларға барынша бейім. Жаз айларында балалар көп уақытын таза ауада өткізетіндіктен, жарақаттану қаупі де арта түседі. Тіпті жеңіл жарақаттанулардың өзі қауіпті болуы мүмкін.Мектеп жасына дейінгі балалар ересектердің қауіп төнген жағдайда көмектесу қабілетіне байланысты. Ауыртып алу, жаралану немесе шіркейдің шағуы – бұл «өздігінен» басылатын жағдай емес. Қанды ісік үлкен болған жағдайда ауырсыну баланы ұзақ уақыт бойы мазалауы мүмкін, жараға, даққа инфекция түсуі мүмкін, ал жай масаның шағып алуы аллергиялық реакция тудыруы мүмкін. Сондықтан да дереу алғашқы көмек көрсетілуі тиіс.
Егер бала бір жерін тіліп немесе жаралап алса,
қалай алғашқы көмек көрсетеміз?
Қатты тілінулер мен кесілулер туралы сөз болып отырған жоқ, мұның жалғыз жолы бар – дереу дәрігерге жүгіну керек. Егер зақымдану үстірт болса, ең алдымен жараны онда түскен кірден қайнатылған салқын сумен мұқият шаю керек. Тілікті немесе жараны сутек тотығымен, мирамистин немесе хлоргексидин ерітіндісімен дезинфекциялау керек.
Егер бала күйіп қалса не істейміз?
Егер бұл 1-ші дәрежелі күйік болса, яғни терісі біраз қызарып қалса, оны судың көмегімен салқындатып, осыдан кейін құрғату керек. 2-ші және 3-ші дәрежелі күйіктерде дереу дәрігерге жүгіну керек!Егер баланы жәндіктер шағып алса не істейміз?
Егер сіз баланың шағатын жәндіктерге аллергиясы жоқ екенін білсеңіз, онда жәндіктің безгегін (егер бұл ара болса) алып тастап, 3–5 минутқа салқын нәрсе қою керек. Терінің зақымдалған бөлігін өңдегеннен кейін күйікке жұмсақ таңғыш қою керек, ол жараға инфекция түсуден қорғайды.Ал егер ауыртып алса немесе сіңірі созылып кетсе?
Зардап шегуші қозғалмай жатуы тиіс (көбіне бұл аяқ-қолдар). Ауыратын жерге шамамен 5–10 минутқа суық нәрсе (тоңазытқыштан мұз) қою керек. Уақыт өткізіп алмай, ауыртып алған жерін ауруды басатын затпен өңдеу керек.Баламен бірге қала сыртына немесе еңбек демалысына шыққанда алғашқы медициналық көмек көрсету үшін тиісті заттар салынған дәрі қобдишасын міндетті түрде өзіңмен бірге алып жүру керек. Дәрі қобдишасында міндетті түрде микробқа қарсы және антисептикалық әсерге ие жараны жазылтуға арналған медициналық препараттар болуы тиіс. Ал егер қатты жарақат: сынық, соғылу, ми шайқалуы орын алса, алғашқы медициналық көмек көрсетіп, дереу дәрігерге жүгіну керек.